|
|
本港明年將增加三個免費電視台，無綫台前幕後近日爆挖角潮，無綫製作部總監曾勵珍和製作資源部總監樂易玲昨日現身電視城穩定軍心。據知陳志雲雖出手提出加薪留人，但無綫要該批員工加簽新合約，加人工僅限明年，擺明搵笨。
高海寧（左）和陳敏之昨日異口同聲表態會誓死效忠無綫。
無綫一向恃着大台霸氣獨攬慣性收視，但隨着城市電訊、電訊盈科及有線電視申請免費電視牌照，廣管局已完成審批，商務及經濟發展局最快一個月內提交行政會議拍板。明年本港將增加三間免費電視台，無綫和亞視將面對勁敵，無綫幕後近日大地震，有指城市電訊創辦人兼主席王維基有意向無綫埋手挖走台前幕後約 150人，小生馬德鐘和花旦佘詩曼更在名單之內，為免亂陣腳，無綫三大高層陳志雲、樂易玲和曾勵珍連日出手展開止血行動。
陳志雲面對城巿電訊主席王維基（右圖）向無綫挖角，據悉會聯絡幕後加薪留人。資料圖片
「阿佘唔會倒戈」
李國麟忽然收火續約無綫，昨日即向兩大高層樂易玲（左）和曾勵珍賣口乖。
無綫薪金太奀，一般初級編劇人工不足一萬，編審也不足兩萬，視帝黎耀祥都建議無綫加幕後精英人工以提高士氣。珍姐和樂易玲昨日在電視城西餐廳接受節目《東張西望》訪問穩定軍心，珍姐不屑祥仔批評無綫人工低，她說：「邊個祥仔，佢做過編劇咩，佢邊知道。」
據知陳志雲於周一晚已主動約見近 30名監製、編劇和導演等幕後精英，並主動提出加雙倍人工挽留，不過無綫對那些留低的員工條件苛刻，表面是加薪一倍，但要在原有合約再加簽一份新約，但新約訂明加薪僅在未來一年生效。
問到阿佘和馬德鐘齊齊跳槽，樂易玲說：「據我知阿佘份約只可以喺內地發展，唔可以喺香港幫其他電視，佢同我講過唔會倒戈；馬德鐘就仲同我哋傾緊部頭定經理人合約，佢家喺內地好多工作。」
珍姐表示不擔心挖角潮，她說：「無綫四十幾年，有同事出入都好正常，一切運作唔受影響。」有傳珍姐也是被挖對象，她否認說：「係咪好冇面，佢哋打畀我都冇用，我唔會走。有啲收到挖角電話同事主動打畀我話唔走，我都會針對流失嘅人爭取人工。」日前鬧爆無綫的綠葉王李國麟最終改變初衷續約留低，他昨日更賣口乖向珍姐致謝。
高海寧效忠無綫
此外，無綫力捧的高海寧和陳敏之昨日在尖沙嘴出席活動，二人承諾效忠無綫，敏之說：「我知有挖角，自己同公司仲有約，但就算加高薪挖我都唔會考慮，我係個知恩圖報、飲水思源嘅人，唔會淨係睇錢。」高海寧則說：「我啱啱簽咗好長嘅新約，所以都係會死心塌地對公司。」
登入後,內容更豐富
您需要 登錄 才可以下載或查看，沒有賬號？註冊
×
|
|
在線雷達
發表於 2011-9-25 04:26:19
廣播
置頂
推舊帖
收嗲鳥
油顏色
