甘香的黃油蟹

啤啤 · 發表於 2011-8-17 16:28:46

原來愈來愈識食的內地富豪，睇中鮮嫩甘香的黃油蟹，內地食蟹市場迅速擴大，黃油蟹供港數量驟減，令黃油蟹身價年年攀升，成為蟹中黃金。不過，暫時未損本地蟹迷的狂熱，每年苦等至盛夏，在只有兩個月的當造期，吸啜着黃澄澄的黃油，滿口甘香，簡直是人生的一大樂事。

黃油蟹是膏蟹的一種，學名鋸緣青蟹，夏天特別多膏，加上蟹膏被太陽曬融，成為我們食用的黃油蟹。人稱霞姐的陳映霞是流浮山海景海鮮酒家負責人，在流浮山打滾多年，高峰時她日賣幾十隻黃油蟹，試過一星期賣出500隻，現時最多日賣廿隻，她慨嘆市况大不如前﹕「人民幣貴了，加上愈來愈多內地人識食，來貨比以前少了一半有多。」去年因為天氣差，黃油蟹的價格比前年增加一成多，今年貨量持續減少，霞姐指價格比去年再增三成﹕「幾年前，12両黃油蟹只賣300多元，去年12両已經升至550元，今年500多元只能吃到8至10両。」