何伯何太互毆被控傷人案 何伯仍然留醫未能出庭 6月10日再提堂

GIRLAV

因為現身《東張西望》而廣為人知嘅何伯何太，上周喺屯門菁田邨寓所嘅電梯大堂發生爭執，雙雙送院之餘仲同時被控。案件5月31日周六過堂，但被告之一何伯（何煊）因受傷留醫未能出庭，法官安排案件6月5日再於屯門法院提堂，但控方表示何伯仍然在醫院留醫未能出席法院程序，案件押後至6月10日再訊，期間被告何伯繼續由警方看管。根據消息，何伯事發後手指及頭部受傷。

案發於5月30日周五早上，街坊聽到嘈吵聲於是報警，警員到場後發現一對染滿血漬嘅男女，救護員將兩名傷者送院，警察就拘捕涉事男女，翌日喺西九龍裁判法院提堂。兩名被告分別係77歲男子何煊，報稱係退休人士；另一被告為44歲女子葉秀定，報稱係家庭主婦。控罪指何煊於5月30日喺屯門菁田邨菁信樓25樓大堂，意圖使葉秀定身體受嚴重傷害而非法及惡意傷害葉秀定；而在同時同地，葉秀定被控非法及惡意傷害何煊。

何太葉秀定5月31日周六到庭應訊，毋須答辯，並獲准以5千元保釋，並於7月25日喺屯門法院再訊。裁判官朱文瀚指案情性質嚴重，葉秀定要交出旅遊證件及不得離港，每周需要到警署報到3次，而且不得接觸控方證人，亦不得與證人之一嘅何太兒子討論案情，亦不可返回案發地點。

ngon-9-9

呢鋪玩大左!