46歲廖碧兒宵夜豪嘆魚子醬 被指發福撞樣劉穎鏇及鄧萃雯

GIRLAV

廖碧兒（Bernice）早年已淡出演藝圈，不時於社交平台分享品酒生活嘅照片，又會傳授揀酒心得及品酒技巧；雖然廖碧兒曾試過乘搭港鐵，被讚終於變得貼地親民；不過佢近日個夜宵係食魚子醬，激誇張。

廖碧兒日前於小紅書上發布一段新片，寫道：「忙碌完一天，夜宵吃魚子醬，包裝方便又可愛的魚子醬，忙碌完一天，這個夜宵怎能拒絕」。從影片所見，留有中分微捲中長髮嘅廖碧兒又表示：「今日好辛苦好長啊，所以我要獎勵自己，我要表演畀你地睇我食魚子醬，好味好味cheers」

唔少網民都表示廖碧兒個樣Keep得非常好，又撞樣劉穎鏇及鄧萃雯等女星：「感覺沒怎麼變老」、「還是很靚」、「第一眼很像霍汶希」、「又有點似鄧萃雯」等等。不過都有唔少網民表示話廖碧兒Keep到樣，但身形方面就被指中年發福，差點認唔到。

廖碧兒於2000年參選溫哥華華裔小姐勇奪冠軍，之後參選國際華裔小姐亦奪冠，從而加入TVB，先後演出《皆大歡喜》、《談情說案》、《律政新人王》等經典劇集，直至2011年離巢並淡出幕前，遠赴法國讀書增值自己，考獲品酒師牌，經營紅酒生意，更豪擲千萬於法國購買酒莊。

howardwo

久未露面