蔡子健轉行保險界被網民野生捕獲曝光近況 曾捲「魔術鹹豬手」風波形象插水

GIRLAV

前TVB藝人蔡子健於2008年成為「魔術鹹豬手」嫌疑人之一，縱然未有實質證據，但蔡子健形象插水，翌年離開TVB到美國北愛荷華大學修讀工商管理碩士課程，淡出娛樂圈，現時已轉行保險界，並與醫生太太蘇予芊育有兩女一子。多年來未有於熒幕出現嘅蔡子健日前被網民野生捕獲，曝光最新近況。

有女網民於小紅書以「搞怪的蔡子健先生，不演TVB戲了好可惜」為題，分享多張與蔡子健嘅合照，並寫道：「蔡子健問我要不要在小紅書開帳號分享和直播保險，你們怎麼看？#蔡子健#保險#TVB #TVB藝人」。從照片中看到，蔡子健與該網民保持一定距離，相當有風度。喺濾鏡鏡頭下，明顯令額頭紋變得淡色，不過蔡子健只係多咗白髮及雙下巴，樣貌變化不大，僅笑起上嚟見到牙齒充滿咖啡跡。

蔡子健1992年透過TVB藝員訓練班第6期進修班入行，曾擔任兒童節目《閃電傳真機》、旅遊節目主持，被封「旅遊王子」；又曾出演《歲月風雲》、《與敵同行》、《十萬噸情緣》等劇集。直至2008年，苑瓊丹於港台節目《瘋SHOW快活人》大爆TVB有男藝人係「魔術鹹豬手」，藉表演魔術之名扮無意觸摸女藝員，更曾試過胸襲女藝員，苑瓊丹和幕後人員先後爆料指受害人包括郭羨妮、陳芷菁、楊茜堯及陳敏之，對於涉事男星身份，苑瓊丹透露該男星經常拍旅遊節目，又高過黃宗澤，令茅頭指向蔡子健；蔡子健當時表示唔需要回應冇實質證據嘅事。

howardwo

轉行保險業

funnytey

太傻了！怎麽這麽傻呢？？