張可頤與粉絲互動曝光 髮型勁搶Fo被網民質疑戴假髮

GIRLAV

55歲張可頤1994年參加香港小姐競選，簽約TVB入行，拍攝過《難兄難弟》、《天地男兒》、《茶是故鄉濃》、《金枝慾孽》等多套經典劇集，2003年憑《九五至尊》「呂四娘」一角打敗郭可盈、陳慧珊、宣萱、佘詩曼摘下TVB視后。近年產量大減嘅張可頤原被TVB邀請拍攝有醫療版《新聞女王》之稱嘅《巨塔之后》，不過劇集延遲開拍，張可頤因撞期致未能成事。日前有網民於社交平台分享喺內地機場偶遇張可頤與粉絲互動嘅照片，不過其焦點意外落於張可頤嘅髮型之上，被網民質疑戴假髮。

從照片所見，張可頤以長髮造型示人，身穿棗紅色上衣搭配長褲，顯得皮膚相當白哲。不過，就被網民質疑佢戴假髮：「戴的好像是假髮」、「是假髮啊，她是短髮的」、「就是假髮啊」、「應該是白頭髮或稀疏了」等等。網民紛紛表示張可頤平時都係短髮示人；而早前張可頤出席《2024微博視界大會》，當時亦係短髮造型，並以透視裝配綠色毛衣上陣，與TVB經典電視劇集《金枝慾孽》主角相隔20年同框。

howardwo

粉絲真係多要求！