|
|
日前颱風蘇拉吹襲本港，係繼2018年山竹後首次發出十號颶風信號，無綫女記者翟睿敏到紅磡報道街道情況，當時佢就紮晒馬咁，但有觀眾發現到身後有一名男童迅速經過，與翟睿敏形成超大反差，令唔少網民憶起2009年無綫資深新聞主播潘蔚林於尖沙咀海傍報道颱風莫拉菲襲港一幕。潘蔚林於直播期間，同樣試圖紮行馬企穩個人，但被強風吹至成個身傾斜，及吹走安全帽及鞋子仍堅企報道，路過嘅外籍人士向佢豎起大拇指，網民又紛紛大讚潘蔚林敬業及貫以「颱風之子」之稱。不過，有指潘蔚林將會離開主播行業，而9月4日已經係佢喺無綫嘅最後工作日。
潘蔚林於9月4日《六點半新聞報道》尾聲時並未有交代自己離職，僅向觀眾表示：「新聞報道完，各位觀眾，再見。」不過，明珠台外籍新聞主播Melissa Gecolea就於社交平台分享與潘蔚林合照，並寫道：「我們翡翠台高大靚仔的主播蔚林明天離開我們，祝福他在新一頁一切順利。 」潘蔚林畢業於香港中文大學環境科學系和新聞及傳播學碩士課程，2004年就入職無綫新聞，2010年成為《晚間新聞》主播，2012年兼任星期六、日《六點半新聞報道》主播。咁多年嚟，潘蔚林都有唔少經典場面，包括2008年5月13日，潘蔚林與柳俊江喺惡劣環境下徒步約兩天直達震央拍攝災情畫面，成為全球第一位進入震央映秀鎮嘅國際媒體記者，所拍攝嘅影片獲NHK、CNN、BBC、TVBS等多間國際媒體轉載；又曾於2010年喺上海世界博覽會世博軸外與方健儀一同做現場報導，提到上海美食時，一時口快將「外婆紅燒肉」講錯成「紅燒外婆肉」，連方健儀都忍唔住笑。
對於潘蔚林嘅去向，有網民猜測潘蔚林即將移民，但化妝師上載與潘蔚林合照時就透露潘蔚林將會轉做老師︰「今日在TVB收到新聞部資深男主播 (潘蔚林)的散水餅，內心實在不捨得！他為人穩重，工作充滿熱誠及幹勁，平易近人！他離職後會到大學教學，作育英才，培育更多新聞系精英，Flora衷心祝他事業邁向另一領域高峰！謹記他最後的一句話（大家加油）」，潘蔚林太太劉紫鳳則同樣係新聞主播，先後於無綫及有線擔任主播，直至2020年有線新聞部大裁員，劉紫鳳專心照顧兒子，閒時到大學分享工作經驗，至去年重返主播行業，於鳳凰新聞台報道新聞。
登入後,內容更豐富
您需要 登錄 才可以下載或查看，沒有賬號？註冊
×
|
評分
-
查看全部評分
|
在線雷達
發表於 2023-9-7 18:26:19
廣播
置頂
推舊帖
收嗲鳥
油顏色
發表於 2023-9-7 20:57:24
