30元開心戲飛 無助戲院翻身？

GIRLAV

「開心香港」首項焦點活動，是戲院商會主辦「全港戲院日」，本月29日星期六睇戲買飛一律30日，預計有廿萬觀眾受惠。廿萬市民重新領略睇戲樂趣，加上去年港產片大豐收，本地戲院產業能否大翻身？

戲院曾有高增長期

疫情期戲院曾經歷一段高增長期，當年轉型中的工貿區，例如荔枝角，區內都出現兩間新戲院，長年陷入戲院真空期的新界北區，粉嶺亦再有戲院開幕。不過連續三年的疫情，強如UA院線亦投降撤出本地市場，餘下的戲院營運商亦按市況收縮戲院數目，戲院產業極速由高增長期轉入冰河期。

捱過疫情高峰後，去年港產片市道大翻身，今年更出現票房破億港產片。口罩令解封兼通關，加上30元戲飛推廣效應，戲院似乎有望再次成為商場吸引人流的「標配」設施。

領展商場無戲院的啟示

當年戲院高增長期，一方面憧憬訪港內地客會順道在香港睇戲，令本地戲院增加大批新客源。另一方面新型商廈在工貿區湧現，戲院積極在這類工貿區插旗，期望可以吸納區內上班族客源。

不過上述這項算盤現在都暫時失靈，二月訪港內地客近140萬人次，較疫情前高峰每月達678萬人次頗有距離。百四萬內地客，來港忙於觀光購物，加上不少是隨團來港，當中有多少有時間入戲院睇戲是一大問號。

至於上班族客源，無疑疫情後工貿區重現上班族人流，但不少在這類工貿區上班族都坦言，返工地點隔涉，放工都習慣速逃，很少會想到留在區內消遣及睇戲。按現時市況，工貿區再現戲院插旗潮機會似乎亦不大。

戲院是否商場「標配」設施，其實都看商場的規模及定位。本地商場大業主之一領展，旗下商場就欠奉戲院，但無損商場人流。皆因領展旗下主力是民生商場，街坊關注點是能否支援生活所需、購物是否方便，要看戲自然會去區內大型商場，所以按現時市場需求，加上經歷疫情院商營運上會較審慎，短期內都未必會再現區區有戲院盛世了。

Monfortino

無乜幫助。

howardwo

市民睇場戯，政府做場戯

op1b

我都笑咗出黎...... 笑搞手on鳩

30蚊戲飛係全港7佰幾萬人口當中, 佔幾多%人受惠先 ????

有無考慮過買唔到飛批人對政府會唔會有怨氣 ?

kingkong_hk

又冇人用搶指你去睇咁都5like