67歲萬梓良患遺傳性糖尿病 台上獻唱突腳軟須壯漢扶實

GIRLAV

67歲萬梓良近年長居內地深圳，患有遺傳性糖尿病，又有膽固醇高和痛風病痛，萬梓良早於兩年前參加商業演出時被發現喺上台前，身旁有壯漢扶實，上台階時一度無企穩，差啲摔倒。近日又再有網民喺小紅書分享一段萬梓良過往於台上獻唱期間突然腳軟嘅影片，令人擔心佢嘅健康狀況。

萬梓良以一身白馬王子造型登台，獻唱王琪嘅歌曲《可可托海的牧羊人》，雖然中氣十足，但唱唱下突然腳軟向後傾，要數名壯漢出手扶實，因為舞台與觀眾席距離相當近，就連觀眾都伸手幫手托起萬梓良，其中一名工作人員顯得十分吃力。不過，萬梓良表現鎮定，繼續獻唱，非常專業。唔少網民都喺影片下留言表示擔心萬梓良嘅健康狀況：「喝醉了嗎？站不住了」、「老哥要注意身體」、「到底是見過大世面的人，鏗鏘有力，不慌不忙，一片赤誠，牛牛牛」，有網民詢問：「身體那麼差了麼？一群人扶着？」，該帖文樓主則回應：「67歲了，相當可以了」。

howardwo

保重保重！

ngon-9-9

無戲拍 唯有商演賺人仔糊口