魏駿傑拍片疑揶揄香港街市冇電子支付 網民：有需要做到這樣嗎？

GIRLAV

57歲魏駿傑與細近20歲嘅內地女友張利華於2008年結婚，育有囡囡Jessica。2015年開始屢傳婚變，直至2020年張利華被爆偷食，魏駿傑承認離婚及表示會與愛女相依為命，並以佢為優先。魏駿傑轉戰內地發展，上年開設抖音帳戶與網民互動，拍片分享生活點滴。

魏駿傑日前返香港，將自己往街市買餸嘅短片上載到抖音，並留言寫上：「今日份香港菜市場偶遇發哥 #菜市場 #支付方式」。喺影片中，佢喺落車準備行去街市話：「來來來，跟我去菜市場買菜，香港其中一個最有名的菜市場，大家看看九龍城街市啊，也許會碰到發哥啊，來來來。」

之後魏駿傑就扮跌錢，然後踎喺度執錢話：「沒辦法，在菜市場，在香港菜市場買菜還得用現金，還要用硬幣」，最後起身急步行入街市。魏駿傑呢個舉動疑似揶揄香港街市冇電子支付，結果引起內地網民同感：「微信支付，香港菜市場還沒有?」及 「還是用現金啊，不方便的」等等；同時亦有網民關注其身形及問佢幾時再拍劇，更有人揶揄：「哥我看見你故意把錢丟地下的，這是甚麼劇本」及「有需要做到這樣嗎？」。

howardwo

刀係搏下宣傳啫！