魏駿傑失婚轉型情感博主 教人放低前度 被寸當年傷害滕麗名

GIRLAV

56歲魏駿傑與細近20歲嘅內地女友張利華於2008年結婚，育有囡囡Jessica，2015年開始屢傳婚變，直至2020年張利華被爆偷食，魏駿傑亦承認離婚，表示會與愛女相依為命，並以佢為優先。魏駿傑當時除咗於私人帳號社交平台有感而發指：「餘生去愛一個能給你動力的人，而不是消耗你的人。」更於其後坦言因離婚及封關而非常難過，有1年半時間零收入，因而有諗過自殺，不過為咗女兒決定捱過去。去年，魏駿傑轉戰內地發展，更開設抖音與網民互動，拍片分享生活點滴；佢就於近日忽然化身情感博主。

魏駿傑拍片教人放下前度，以「不要焦慮，不要內耗，你值得更好」作標題，表示：「你失去嘅人，係因為佢唔屬於你；你放唔低，係因為你唔甘心。但如果你失去嘅係一個唔再愛你嘅人，又有咩值得可惜？你仍然有好多機會，去愛與被愛。」 有網民就留言寸爆魏駿傑：「你當年深深的傷害滕麗名了，她當年的痛比你痛多好多倍，幸好她失去了一個不再愛她的人」該留言獲一百個以上讚好，又有唔少網民表示滕麗名魏駿傑當年分手係正確：「你娶北姑跟住老婆走左佬，慶幸騰麗名無嫁俾你」、「滕滕感謝不娶之恩」、「說給滕麗名聽的？」、「藤離開你是正確的，感謝你不娶之情」、「滕麗名逃過了一劫」等等。滕麗名與魏駿傑1998年參演《陀槍師姐》戲假情真，被視為金童玉女，不過2007年5月結束9年情。翌年，魏駿傑與張利華閃婚，被網民狠批負心漢，並於接受媒體訪問時直言與滕麗名拍拖9年冇結婚打算，彼此之間突然無咗愛情感覺。魏駿傑曾於2010年女兒出生後，發布手抱女兒既照片，當時有網民留言：「如果是跟滕麗名一起就perfect了。」魏駿傑卻回應指：「去死吧」、「這種賤人趁早撇低，否則後悔一輩子」，形象插水。

howardwo

幾乎唔記佢係『乜水』！