澳門馬場執笠 沙田跑馬地業主鬆一口氣？

GIRLAV

澳門政府宣布與澳門賽馬會由4月1日起解約，馬會將無償歸還馬場土地予政府，標誌澳門賽馬會今年正式結業。澳門馬場執笠，似乎唔太關香港事，但長遠看，沙田及跑馬地業主或可以鬆一口氣。

香港馬場「好生意」
新加坡去年公布，今年10月舉行第100屆新加坡金盃賽事後，將停止營運在2011年曾大翻新的新加坡克蘭芝賽馬場，馬場土地將用作興建住宅，以增加房屋供應。

消息曝光後，香港已有討論指馬場面對馬迷老化挑戰，長遠而言應否研究本地馬場二減一，甚至停運兩個馬場，將罕貴馬場地發展住宅項目，可望大幅增加沙田及跑馬地兩個區房屋供應。

澳門馬場落實結業，對馬場周邊業主可說是惡夢。澳門馬場景是周邊豪宅一大賣點，樓齡較新的星河灣．名門世家，在2013年開賣時入場費逾3000萬元，現在二手價跌至千二至二千多萬水平，將來馬場景消失，馬場「遺址」大興土木，樓價恐怕將再受壓。

同樣道理，香港兩個馬場消失，火炭及跑馬地豪宅身價都有機會大插水。樓價調整前，火炭銀禧花園兩房可以賣逾七球，但近期銀行估價已跌至520萬水平。對擁有馬場景業主而言，這項優勢是物業重要護城河，假如持貨能力強，只要有馬場景，都有信心物業捱過樓市低谷可以有力反彈。

幸好香港馬場與新加坡、澳門馬場最大分別是「好生意」，新加坡馬場近十年入場人數大幅插水，澳門馬場累計虧損達25億，2023年賽馬日平均人場人數僅492人。反觀香港，同樣面對娛樂多元化挑戰，2022/23年度總投注額3048億元創歷史新高，回饋社會金額達359億元，睇數字已知香港馬場仍極具存在價值。

另外當澳門馬場消失後，香港馬場更肩負特區「馬照跑」使命，既然「好生意」，未來一段長時間都無需要研究停止營運及交回土地予政府。

香港馬場是內地遊客熱門一遊地方，港府現在積極吸引遊客來港消費，馬場如可以持續優化配套，例如引入本地知名食店，甚至在馬場內增建購物街，不難成為更多遊客打卡的新景點，兩個馬場有此潛力，就更不會輕易打馬場土地主意。

除了香港馬場「好生意」優勢，現時港府亦不缺地。賣地反應未如理想，港府住宅地可以慢慢推，未來又有北部都會區率先上馬，長遠又有明日大嶼填海造地，未來一段長時間都用不著馬場土地增加土儲，故此澳門馬場消失，火炭及跑馬地豪宅業主不單毋須緊張，甚至可以鬆一口氣吧。

op1b

只係好奇, 會鬆一口氣係邊位 ????

馬膠馬場頂到今日, 算好嘢嫁啦...  根本未被睇好過

LasCases

睇吓會點。

howardwo

終於收皮