楊明扶靈送別孟海哽咽：好後悔點解唔探多幾次！

GIRLAV · 發表於 2023-10-30 10:56:58

曾奪香港金像獎最佳男配男的著名動作演員孟海（原名：孟景海，暱稱小海），於10月9日因食道癌病逝，終年65歲，10月29日於大圍寶福紀念館出殯，孟海的圈中好友包括洪金寶、錢嘉樂與湯盈盈、盧惠光及楊明等早上陸續到場向好友作最後道別。

其中參與扶靈儀式的楊明，受訪時表示自小已看孟海的電影長大：「當時覺得海哥細細粒、肥嘟嘟好得意，同我哋小朋友好似好有親切感。」他指當年與對方於無綫認識，雖未曾有機會合作，但自己能夠由小粉絲變成對方朋友已很高興：「海哥好睇我，會教我拍戲同打嘅技巧，有時睇完我演出會話畀我知有乜可以改善，有次提我講對白唔好咁快清楚啲，但佢自己講嘢好快。」他表示很喜歡對方所演的殭屍系列電影。談到對方近年患病，楊明表示亦有不時探望對方，上月探望時對方雖然明顯消瘦了，但精神不俗，還會跟大家講笑，惟早前再想探望時才得知對方已離世，他一度哽咽説：「好後悔點解唔探多幾次，海哥依家應該好開心，可能撞番好多老友。」