兔仔逼爆收容所 貪玩飼養變棄養

GIRLAV

兔仔嬌小可人，適逢兔年，不少人可能會「貪得意應吓節」想養一隻，惟養兔仔絕不容易。香港兔友協會領養室現時有近百隻被遺棄兔仔，幾近接收上限。兔協幹事董芳宜擔心，有人因一時興起養兔仔，最後發現兔仔難以飼養或是有攻擊性就決定棄養，令兔仔身心受創。

多個兔籠排列在香港兔友協會的領養室，地上有4個大圍欄的活動空間，放眼望去全是可愛又毛絨絨的兔仔。董芳宜將餵食盤放到不同籠內；偶爾輕撫兔仔；或將牠們抱入懷中細語輕哄。她說，因為不用當值才有空放鬆和兔仔玩，否則當值日要由早上9時起「做到冇停手」，直到傍晚才勉強完成打掃兔籠、餵食及清潔兔仔等繁瑣工作。

來到兔年，董芳宜憂慮兔仔成為人氣飼養寵物，再遭大量棄養。為何擔心主人棄養？董面有難色坦言：「基本上我們每日都會收到求助電話，包括街邊遭棄或自己想棄養，甚至由社工或漁護署轉介的個案。」但由於兔協空間有限，去年只能接收68隻新兔仔，在兔協只能接收100隻兔仔的上限下，現已收了99隻遭遺棄的兔仔。

董表示，遺棄兔仔的原因通常是主人打算移民、難以負擔醫療費用、計劃生育及主人患病等。一般而言，接獲求助電話後，兔協會積極游說主人不要棄養，並盡量教育他們改善飼養方法，例如主人投訴兔仔氣味太大、擔心兔仔影響胎兒、對主人有攻擊性等，兔協均會提供意見改善問題。

棄兔身心受損 瑟縮拒食

近年兔仔患病後主人棄養的個案增多。董芳宜細語地安慰一隻無雙眼的兔仔，待兔仔有反應認出她後才抱起兔仔說：「棄養對兔仔係心靈上最大傷害！」曾經有部分個案，一打開籠門兔仔便會主動襲擊人或瑟縮一角，更有可能因心情差而拒絕進食等，均是對人有心理陰影的反應。

兔仔年紀愈大，或是患病就愈難有人領養，可惜，通常被送到兔協的兔仔都是年老患病的多，導致愈來愈多老兔無人領養，可接受新兔位置不多。

醫療費用高 須衡量能力

董稱，兔仔生命長達10多年，若要飼養應把兔仔放入人生規劃，顧及家人或另一半是否可以接受；而兔仔醫療費由最少4位數字至6位數字不等，需考慮個人財政狀況和能力，「當兔仔係你嘅家庭成員，將飼養當成懷孕生小朋友，你考慮嘅嘢，我相信係無分別！」記者梁皓芊

LasCases

太多小兔兔。